الشاعر محمد فتحى يكتب الرباية



( الرباية )

 

علم ابنك من الصغر الأدب و الرباية

عرفه الصح من الغلط من البداية

حافظ على ابنك حاوط عليه

لو خليت الزمان يربيه

هيبقى طول العمر عبرة و آية

 

ازرع جوه منه الاحترام

ابعده عن سكة الإجرام

خليه للأدب مثال

يتحكى عليه و يتقال

متضيعش ابنك منك حرام

 

ربى ابنك فى السليم

الرباية نور مش تعتيم

اسمع منى الخلاصة

اللى أتذكر قبل الدراسة

التربية ثم التعليم

 

ربى ابنك علموه

انصحه دايما كلموه

سايسه لحد ما تفهموه

إن الرباية كل شئ

اديه فى التربية دروس

خليك مدرس ليه مخصوص

اضغط عليه و علم و دوس

فى بحر الأدب هيبقى غريق

 

ربى ابنك قبل ما غيرك يربيه

اوعى تسيبه لليالى

خلى ربايتك آسية عليه

هيبقى الابن المثالى

 

الناس بيه بكرة هتعرفك

لما يبقى هو مشرفك

ربى ابنك ربى

عارف و حق ربى

هتلاقى السيرة الحلوة بتخطفك

 

التربية هية الأساس

خلى أولادك زى الماس

عارفين طريق ربهم

الحب مالى قلبهم

الخير عندهم ما يتقاس

 

كلمات : محمد فتحى

الرابط المخصتر للمقال:

تابعنا على تويتر والفيسبوك واليوتيوب ليصلك كل ما هو جديد

صفحتنا على الفيسبوك |صفحتنا على تويتر
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية  وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكامله. 
زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock