ايه يا دنيا



ايه يا دنيا

هي راحت فين المحبه

متكونش تباعت في سوق البورصه

فهموني ايوه كده حبه … حبه

اه… ولا ليها معنا تاني فرصة

هو فين الضمير

ميكونش تباع في سوق المال

فهموني يا اهل التنوير

ولا هو نايم ومحدش سال

ايه يا دنيا معدش اوثق قيكي

ما انت بلا محبه ولا احساس

ايامك بقت صعبه مين يداويكي

لا قريب ولا غريب حاسس بالناس

اه صحيح دواره ومالكيش صاحب

يوم تبتسمي ويوم كده غداره

سنين فيكي الواحد مغلوب ما غالب

كلك كده علي بعض علقم ومراره

صدق سليمان لما قال انك بلا نافع

باطل الاباطيل انت وقبض الريح

لا مال ولا جاه فيك لينا شافع

مفيش حد فيكي ابدا ها بستريح

ايه مسيرها تخلص ونروح للحساب

ونسيب المال والعلم واللي جمعناه

وزي ما جينا ها نخرج من الباب

ويابخت اللي يعمل لابديته وسماه

كلمات

دكتور فرنسيس رزق

الرابط المخصتر للمقال:

تابعنا على تويتر والفيسبوك واليوتيوب ليصلك كل ما هو جديد

صفحتنا على الفيسبوك |صفحتنا على تويتر
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية  وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكامله. 
زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock