بحب بلدى



( بحب بلدى )

 

انا المصرى اللى بحب بلدى

اللى بحبب فيها بنتى و ولدى

هزرع حبها جواهم

مهما الدنيا تجيب و تودى

 

هعلمهم حب مارينا و مينا

هعرفهم مين معانا و مين علينا

هقول لهم المسيحيين اخواتنا

حبايبنا اللى عايشين وسطينا

 

هحكيلهم عن ماضينا زمان

اللى كله محبة و خير و أمان

هعرفهم أن اللى جاى

احسن من اللى كان

 

هعرفهم أن مصر أمنا

شريان محبة فى دمنا

مش عايزانا نبقى اتنين

مهما كان همنا

 

يا بنتى يا ابنى

تعالوا نبنى

نملى ارضها ورد

محدش غيرنا هيجنى

 

يا ابنى يا بنتى

مصر حبيبتى

وصونى عليها

سيدى و ستى

 

حبوا بلدكم بجنون

دى مصر ام الكون

لو هان عليكم دمكم

مصر عمرها ما تهون

 

انتم حراسها

ارفعوا راسها

خليكم خدامين ليها

بوسوا التراب اللى تحت مداسها

 

عاشت ام الدنيا بيكم

اللى هتفضل ليكم

انتوا حماها

مصر أمانة عليكم

 

ادعوا ربنا يباركها

بكل خير يشاركها

عاشت مصر حرة

عاش الشعب اللى مالكها

 

كلمات : محمد فتحى

الرابط المخصتر للمقال:
الوسوم

تابعنا على تويتر والفيسبوك واليوتيوب ليصلك كل ما هو جديد

صفحتنا على الفيسبوك |صفحتنا على تويتر
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية  وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكامله. 
زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock