الشاعر محمد يكتب … لا صليب هيختفى ولا هلال هينطفى .



( لا صليب هيختفى ولا هلال هينطفى )

 

بسم الله و بسم الصليب

على الوطن الغالى الحبيب

مصر المحروسة

الحلوة العروسة

القلب الصافى الحليب

 

كلمة منى ليكم يا أولادنا

للى مش عارف مصر بلدنا

دى أمنا

جوة دمنا

ياما ضحوا عشانها أجدادنا

 

دى مصر أم محمد و مينا

أم فاطمة و أم فيلومينا

كتبها الخط

هى الشط

هى المرسى و دايما مينا

 

قالها سبحانه رب العالمين

أدخلوها بسلام أمنين

قالها ربنا

مبارك شعبنا

أرض الأنبياء و المرسلين

 

ربنا طول الوقت مباركها

ولا عمره كان أبدا تاركها

غالية عليه

حارسها بعينيه

فى كل لحظة هو مشاركها

 

بلدى مذكورة فى كل كتاب

بلدى دى أقوى من الأرهاب

شعبها جيش

زيه مفيش

فى حمايتها عمره ما خاب

 

لا صليب هيختفى

ولا هلال هينطفى

هتفضل بهية

قادرة و عفية

دى الأرهاب عليها ياما حفى

 

دايما يا مصر منصورة

تملى فى أحسن صورة

اللى زيك

بنورك و ضيك

صعب أبدا تكون مكسورة

 

كلمات : محمد فتحى

الرابط المخصتر للمقال:

تابعنا على تويتر والفيسبوك واليوتيوب ليصلك كل ما هو جديد

صفحتنا على الفيسبوك |صفحتنا على تويتر
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية  وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكامله. 
زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock