❣أهم ١٠ نصائح لزيادة حرق الدهون



١- الرياضه على معدة فاضية لها تأثير كبير جدا على حرق الدهون وهذا نتيجه لعدم توفر الطاقه بالجسم فيلجأ الى استخدام الطاقه المختزنة وهى طبعا الدهون وياريت منزودش الفترة الزمنيه للتدريب الصباحى عن ٤٥ دقيقة عشان نتجنب الارهاق والدوخة نتيجه نقص معدل السكر بالدم .

💙٢- شرب الماء اول متصحى من النوم وبكميات كبيره كفيل انه يغسل الكليه والكبد والمعدة وكمان بيولد طاقه داخليه لمعادلة درجه حرارة المايه مع درجه حرارة الجسم الداخليه وهى ٣٧ درجه ودة فى حد ذاته سبب قوى لحرق الدهون عرفتو ليه المايه مفيدة

💚٣- الكافيين او شرب القهوة طبعا الكافيين غنى عن التعريف فى حرق الدهون عشان كده لو معندكش موانع اشرب فنجان الصبح بس لازم تكون معدتك فيها اى اكل عشان متعملش مشاكل فى المريئ وفنجان بعد العصر عشان تحافظ على معدل الحرق طول اليوم وتزود تركيزك .

❤٤- استخدام النباتات المساعدة قليله السعرات فى نظامك الغذائى هتساعدك جدا فى حرق الدهون زى ( الهليون ، البروكلى ، الفاصوليا الخضرا ، السبانخ )

💜٥- الكارديو بعد التمرين ياجماعه مش قبلة ، لو بتتمرن حديد يبقى بعد متخلص تعمل ٢٠ ق كارديو او تزود على حسب برنامجك عشان اولا تحافظ على طاقتك اثناء التمرين وثانيا تستفيد من عمليه تفريغ العضلات من الجليكوجين ولجوء الجسم واجباره لاستخدام الدهون لانتاج الطاقه .

💙٦- تقليل الكاربوهيدرات او النشويات مهم جدا فى اى نظام غذائى هتخلى جسمك يحرق اكتر وميخزنش طاقه زايده عن حاجته على هيئه دهون .

💚٧- استخدم الدهون الصحية فى اكلك زى ( الافوكادو ، اللوز ، زيت الزيتون ، زبده الفول السودانى ) لانها اول حاجة بتحل محل الدهون الغير صحيه ثانيا بتساعد فى عمليه بناء العضلات وتحسين المزاج وكمان بتديك طاقه تعوضك بيها عن نقص الكاربوهيدرات .

❤٨- زياده عدد الوجبات عامل مهم فى تزويد سرعه الحرق لو خليت وجباتك ٦ وجبات صغيره احسن من ثلاثه كبار لاكتر من سبب منهم انك بتقول لجسمك انك مش فى وضع حرمان عشان ميترجمش ده انه يخزن اى دهون يستقبلها و كمان العضله بتحتاج كم معين صغير من الغذا على حسب استيعابها و بترمى الباقى والموضوع ده داخل فيها عوامل كتير زى مقاومه الانسولين و احتياج العضله فى الوقت الحالى فخليك احسن على النظام ده

💜٩- لو غلط ولخبطي مش معناها الدنيا خربت زودي رياضه وصومي بعد الوجبه الي لخبطي فيها من خمسه الي تمن ساعات وكملي يومك عادي جدا .
الغلط الحقيقي انك تواصلي عك وماتوقفيش 👊👊👊

💙١٠ – النوم المنتظم ده الضلع الثالث من مثلث الصحة لان هرمون النمو بيزيد اثناء النوم العميق والمنتظم وهرمون الانسولين بيقل بس خد بالك عشان تحقق المعادلة دى متاكلش قبل النوم بساعه ونص بذات نشويات
🌹🌹🌹🌹

الرابط المخصتر للمقال:

تابعنا على تويتر والفيسبوك واليوتيوب ليصلك كل ما هو جديد

صفحتنا على الفيسبوك |صفحتنا على تويتر
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية  وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكامله. 
زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock