كورونا تفضح الشعب المتدين بطبعه



ما فعلته كورونا
كورونا تفضح الشعب المتدين بطبعه
بقلم / مينا ناصف
للأسف اللى حصل وقت دفن جثمان شهيدة الواجب تصرفات طبيعية جدا وممكن يحصل أصعب منها بكتير .. بكتير قوي .. احنا ع البر لو دخلنا ف الجد الكل هيزعل

كل القيم الإنسانية بتنهار كل الاعراف بتسقط

علم النفس هو علم من العلوم الإنسانية، وبيهتم في المقام الأول بدراسة وتفسير سلوك الإنسان

وللأسف الشديد
التصرفات اللى صدرت من أهالي قرية شبرا البهوا ورفضهم العنيف لدفن جثمان شهيدة الواجب
تصرفات طبيعة جدا للأسف.

وده عشان نقطتين

النقطة الأولى (المجاعات)
تاريخ المجاعات طويل .. طويل قوي، ولامم من الشرق والغرب على مدار التاريخ الإنساني
يعنى هنلاقي
مجاعة في الصين ومجاعة في روسيا ومجاعة في انجلترا ومجاعة في ايرالندا اتسمت المجاعة الكبرى والشدة المستنصرية أيام الفاطميين، وغيرها كتير من المجاعات
اللى يقرا عن أزمنة المجاعات وأحوال البلاد، وعن سلوك الناس وقت حدوث المجاعة يشوف عجب العجاب.

الناس أكلت الكلاب والقطط .. الناس اكلت ولادها .. الناس كانت بتاكل أي كائن حي بيتحرك .. كل القيم الإنسانية بتنهار كل الاعراف بتسقط

الصراع بيكون صراع على البقاء ويا له من صراع.

النقطة التانية

لو هنعرفها لو بنسمع عن هرم ماسلو للاحتياجات

وماسلو لما عمل الهرم وضع تسلسل للهرم

ف المقام الأول

الاحتياجات الفسيولوجية
الحاجة إلى التنفس- الحاجة إلى الـطعام -الحاجة إلى الماء- الحاجة إلى ضبط التوازن- الحاجة إلى الجنس- الحاجة إلى الإخراج- الحاجة إلى النوم

الاحتياجات الفسيولوجية نفهم منها ليه الناس اشترت اكل بكميات مهولة

بعدها على طول

احتياجات الأمان
السلامة الجسدية من العنف والاعتداء- الأمن الوظيفي
أمن الإيرادات والموارد- الأمن المعنوي والنفسي- الأمن الأسري- الأمن الصحي
أمن الممتلكات الشخصية ضد الجريمة

والحاجة للأمان تفسرلنا ليه أهل القرية رفضوا دفن جثمان الدكتورة

وقت المجاعات الناس حوالينا هتتحول لوحوش هي بس نسبة شراسة الإنسان هي اللى هتختلف وده طبقا لحاجات كتير مش مهم ايه هي

الرابط المخصتر للمقال:

تابعنا على تويتر والفيسبوك واليوتيوب ليصلك كل ما هو جديد

صفحتنا على الفيسبوك |صفحتنا على تويتر
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية  وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكامله. 
زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock