منور يا قداسة البابا

منور يا قداسة البابا



( منور يا قداسة البابا )

بقلم / محمد فتحي

مالك مستغرب ليه يابا
دى مصر بلد الطيابة
عروستنا أم حجاب
فرحانة بقداسة البابا

بتسلم على أبوها
زى ما أهلها ربوها
المحبة جوة القلب
متحاولوش تحاربوها

أوعى تتعجب مننا
دى المحبة جوة دمنا
هتفضل عايشة جوانا
لحد أخر يوم ف عمرنا

بنت مصر لابسة الطرحة
ماليها المحبة و الفرحة
فى سلامها على البابا
أبتسامتها جناين طارحة

قداسته فرحان بيبتسم
خطوط المحبة بتترسم
دى رسالة لكل العالم
مصر مستحيل تنقسم

هتعيش مصر بصليبها
بهلالها شعبها حبيبها
هتفضل صورتها جميلة
محدش هيقدر يعيبها

منور يا قداسة البابا
رمز المحبة و الطيابا
عاشت مصر تملى
بمحبتك الفياضة

تعيش المحبة تعيش
زى محبتنا و الله مفيش
ملعون أبو الأرهاب
على التطرف و الدراويش

كلمات : محمد فتحى

الرابط المخصتر للمقال:

تابعنا على تويتر والفيسبوك واليوتيوب ليصلك كل ما هو جديد

صفحتنا على الفيسبوك |صفحتنا على تويتر
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية  وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكامله. 
زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock