قصيدة بسم الله و بسم الصليب للشاعر محمد فتحى



( بسم الله و بسم الصليب )

الأولة بسم الله و بسم الصليب
قبل ما أبدأ بداية كلامى
على قلوب صافية حليب
أهديها بكل محبة سلامى

التانية صورة أجمل أطفال
منورين الدنيا بضمة أيد
أتفقوا مهما لو العمر طال
المحبة بينهم تكتر و تزيد

التالتة يا أهل القرأن و الأنجيل
يا أهل الكنايس و الجوامع
أطمنوا مهما أن طال الليل
نورنا هيفضل مالى الشوارع

الرابعة ما بين السطور
أقراه كويس هتلاقى
حروف محبة من نور
بكتب بيها فى أوراقى

الخامسة فى عين أعادينا
تحرس محبتنا من الحساد
المحبة بتطرح ف أراضينا
بأيدينا و أيدين أجمل ولاد

السادسة ستى و ستك أحباب
أسأل فى الحوارى جيرانا
تقولك خالتك أم عبد التواب
على محبة محمد و حنا

السابعة صلى على النبى
أيوة و مجد كمان يسوع
فى المحبة هنفضل نربى
هنفتح ليها 1000 ينبوع

التامنة مصر محروسة محمية
ببركة ربنا و نبيها و مسيحها
مذكورة فى الكتب السماوية
لربنا بترفع دايما تسابيحها

التاسعة قبل ما أختم كلماتى
أو أكتب فى سطور النهاية
بحروف المحبة بكتب أبياتى
مصر المحبة أجمل حكاية

العاشرة بكتب فى الأخيرة
مصر عايشة لكل أحبابها
لكن اللى مالوش فيها خيرة
خسارة بندفن فى ترابها

كلمات : محمد فتحى

الرابط المخصتر للمقال:

تابعنا على تويتر والفيسبوك واليوتيوب ليصلك كل ما هو جديد

صفحتنا على الفيسبوك |صفحتنا على تويتر
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية  وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكامله. 
زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock