يا مسيح فى يوم قيامتك

كلمات الشاعر محمد فتحى



( يا مسيح فى يوم قيامتك )

يا مسيح فى يوم قيامتك
كل سنة و البشرية بخير
أتعلمنا من وعدك و أمانتك
أننا نحب بعض و نحب الغير

يا مسيح المحبة الربانية
يا مسيح علمتنا الأنسانية
عاجز بقلمى و حروفى
أكتبلك من كلمات أغانيا

فى يوم عيد القيامة
بمحبة كبيرة و فرح ياما
بقول لكل أنسااااان
كل سنة و أنت بسلامة

يا مسيح السلام و الخير
علمت ياما البشرية كتير
كل سنة و الكل فى سلام
فى يوم عيدك الكبير

يا مسيح المحبة و النور
حيرت كلامى ع السطور
أنا و قلمى و أوراقى
بنكتبلك بكل فرح و سرور

قلمى فرحان بيك و سعيد
سطورى فرحتها بتزيد
متشرفين بكتابة أسمك
هما كمان حاسين بالعيد

كلماتى عاجزة عن الوصف
يا مسيح المحبة و العطف
صدقنى القلم فى أيدى
بيخطف منى الكلام خطف

يا كلمة الله فى البتول
بمعجزاتك حيرت العقول
فى نشر المحبة و السلام
الكل بيحكى عنك و يقول

يا روح الله يا مسيحه الحى
ياللى ماليت الدنيا نور و ضى
فى أنتظارك بالعدل و الحق
اللى بكرة بيهم جاى

كلمات : محمد فتحى

الرابط المخصتر للمقال:

تابعنا على تويتر والفيسبوك واليوتيوب ليصلك كل ما هو جديد

صفحتنا على الفيسبوك |صفحتنا على تويتر
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية  وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكامله. 
زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock