من هو المرنم مينا جمال عبد الناصر ؟
مينا جمال هو مرنم شاب بدأ مشواره في كورال كنيسة العدرا في اسوان ، تعلم الغناء من الصغر ، و هو ايضا يجيد كتابة اشعار الترانيم و الاغاني ، من محافظة اسوان ، يبلغ من العمر 27 عاما ، يحلم بان يكون مغني معروف و مشهور .. من ترانيمه ( محتاج يارب ) ، ( باب يسوع ) الذين لاقوا ترحيب و اعجاب كبير و هو من الفها و كتبها و بالتعاون مع الموزع المتميز رامي نبيل و الملحنة و المرنمة المبدعة راندا رضا و القائد المتميز جوزيف لويز و الاستاذ الكبير جدا ميشيل عبد الملك ، كان عضوا في فرقة سيد درويش ، و هو عضو ايضا في فريق اهتف بعدما قام بضمه كل من المذيعة المتميزة / ماري نصحي ، و قائد الفريق المبدع / نظير فهيم ، يعشق الموسيقي بكل ما تحمل الكلمة من معني فهو يجد فيها نفسه و حياته بمختلف حالاته .
كيف قررت أن تخوض تجربة عمل ترنيمة خاصة بك ؟
في البداية انا بشكر ربنا جدا علي المواهب اللي وهبها ليا ، و دايما بدعيه يبارك و يمد ايده و يكمل ، من ضمن الحاجات اللي بشكر ربنا عليها برضه اني بعرف اكتب و اوزن القافية و رتم الترنيمة ، لان عمل الترنيمة بيبقي مكلف ، ف انا بكتب لنفسي و خصوصا اني مغترب مش من اهل القاهرة ، و بلحنها و بتدرب عليها و اسجلها و اوزعها و اعمل ليها فيديو و انزلها علي قناتي عاليوتيوب و ابدا اروجها عشان تتسمع و تتشاف ، يمكن الموضوع في اغلب الاوقات بيكون صعب جدا و مرهق جدا بس احساس انك تلمس حد و تحس انك اتكلمت بلسانه او عبرت عن حالته بيبقي جميل جدا ، و برضه احساس ان ربنا بيساعدك و مش سايبك اجمل ، و انا ثقتي في ربنا كبيرة
كيف تم التواصل بينك و بين فريق( اهتف ) و كيف كانت تجربتك معهم ؟
في البداية استاذة / ماري كانت بتكون فريق جديد عاوزة تبدأ بيه بداية قوية و مؤثرة ، فلقيتها منزلة بوست عالفيس بتقول فيه انها بتدور علي مرنمين ينضموا ، و بعدها كلمتها و اتواصلت معاها و التجربة معاهم ممتعة جدا فريق حلو جدا و شاطرين جدا و بنتعامل مع بعض علي اننا اسرة واحدة ، و دايما بنحاول نقدم حاجات جديدة و متميزة .
كيف كانت تجربتك مع الموسيقى و الموزع/ رامي نبيل و الاستاذ/ ميشيل عبد الملك ؟
في البداية انا اتعرفت علي رامي من حوالي 4 سنين هو موزع شاطر و عملنا مع بعض الترنيمتين ( محتاج يارب ، باب يسوع ) ، و الاستاذ / ميشيل طبعا غني عن التعريف لانه تقريبا عامل نص التراث الكنسي
هل الترنيمة عبارة عن تسجيل صوتى أم فيديو كليب ؟
الترنيمة بتبقي تسجيل صوتي و بعد كدة بعملها فيديو من خلال الافلام .
متى يتم طرح الترنيمة و خصوصا أن الكثيرين فى أنتظارها ؟
يعني بعد ما بخلصها علي طول بنزلها .
تابعنا على تويتر والفيسبوك واليوتيوب ليصلك كل ما هو جديد
