سبوبة بوابات او وحدات او ممرات التعقيم الذاتي



نقلا عن مصدر 

كتبت / ساميه نجيب 

سبوبة بوابات او وحدات او ممرات التعقيم الذاتي اللى بيقولو عليها وانتشرت زى النار فى الهشيم والناس من خوفها وقلقها انها تتعدى بفيروس كرونا عاملين زى الغرقان اللى بيتعلق بقشه !!
أولا دى مش اسمها بوابة التعقيم الذاتي لا دى اسمها الحقيقي بوابة الخداع الذاتي
عملوها عشان تتحط على أبواب المنشأت زى مدرسه او جامع او مصنع او المكان اللى يعجبك
وبيقولوا للناس ان الهدف منها تعقيم البشر!!
عن طريق انهم يرشوا الناس اللى بتعدى من جواها بسائل مطهر
اى مطهر تحبه ( يعنى كلور مخفف ماشى، ليزوفورمين مخفف ماشى او حتى ماء أكسجين مخففة برضه ماشى )
العجيب فى الأمر ان معظم الناس مصدقه انها حاجه عظيمه واختراع واووووووووو
والحقيقة انها مجرد سبوبه وجهل ودجل بيتاجرو بيه على الناس
لان
– أولا ؛ منظمة الصحه العالميه كتبت على صفحتها بخط واضح ممنوع نرش اى إنسان بمطهر حتى لو كان كحول او كلور مخفف او اى مطهر اخر لان ده مش هيساعده فى حاجه بالعكس ممكن يسببله مشاكل اخرى زى التهابات فى الجلد ، ولو المطهر دخل عينه وهو بيترش هيعمله مشكله ولو كان الشخص بيعانى من حساسيه صدر واستنشق المطهر وهو بيترش هيتسببله فى اختناق ومشاكل تانيه
– ثانيا : انتم عايزين ترشوا الناس بمطهر ليه؟؟ ماهو لو الشخص اللى اترش ده بعد ماعدى من البوابه عطس ولا كح كده كل سنه وأنتم طيبين عشان هو لو كان مصاب الفيرس بيكون موجود جواه
– ثالثًا : لو بتقولوا عشان نطهر ملابسه فده كلام خاطئ وليس له اى أساس من الصحه
لان تطهير الملابس بيتم بطريقتين فقط لا غير وزى منظمه الصحه العالميه ماقالت
إما بغسل الملابس بالماء والصابون ويفضل ان يكون الماء ساخن
او بكى الملابس بالمكواه لان الحراره المباشره بتقتل الفيرس
– كمان انا نفسى حد من تجار السبوبه دى يطلع يقولنا انتم تم اعتمادكم ببواباتكم ومطهراتكم وباباغنوجكم من مين بالضبط؟؟ مين هى الجهه العلميه اللى اعتمدتكم وسرحتلكم بانكم حاجه مؤثره وفعاله فى تقليل انتقال العدوى ؟؟
ويبقى كده البوابات دى ملهاش اى لزوم خالص وكمان ممكن تضر الناس اللى هتعدى منها وتعملهم مشاكل صحيه زى ماذكرنا من قبل
ده غير بقى المشكلة الكبيره اللى هى الإحساس بالأمان الزائف
يعنى لو جبتها على باب مسجد على سبيل المثال
فده هيولد شعور بالأمان والراحة للناس اللى هتعدى منها انها خلاص اتعقمت وبقت فى السليم تكح بقى وتعطس براحتها مفيش مشكله ماهما خلاص متعقمين
وكمان الناس اللى جوه المسجد هيحسوا بالأمان ماهو كلهم دلوقتى متعقمين ليه يلبسوا ماسك او كمامه طبيه ويخنقوا نفسهم فمش هيلتزموا بالحاجات المهمة والمفيده والحقيقية
زى
– التباعد الاجتماعي انك تراعى يكون فيه مسافه بينك وبين الشخص اللى جنبك
– عدم التلامس باليد وتجنب المصافحة
– تطهير اليدين بالكحول باستمرار
– الحرص على ارتداء الكمامة الطبيه بشكل مستمر خارج المنزل .

الرابط المخصتر للمقال:

تابعنا على تويتر والفيسبوك واليوتيوب ليصلك كل ما هو جديد

صفحتنا على الفيسبوك |صفحتنا على تويتر
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية  وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكامله. 
زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock