تحذير تحديث الفيسوك الجديد



منقول للاهمية نخل بالنا ومش اى حاجه جديده نجربها
لو مش عارف متجربش غير لما تسال
شايفين الجزء دا ؟
(إنشاء غرفة) 

الجزء دا نزل في الـ update الجديد بتاع الفيس

دا عامل بالظبط زي أبلكيشن Zoom واللي أغلبنا سمع عنه الفترة اللي فاتت واللي يعتبر كان مسخرة لدفعات كتير

الأبلكيشن دا عبارة عن room عادية واحد بيعملها وبيبعتلك اللينك وانت تدخل وفجأة تلاقي نفسك على الهواء مُباشرة ، صوت وصورة وكُله وبالإضافة إن في حاجة اسمها Share ودا معناه ان أنا أقدر أتحكم في الجهاز اللي في إيدك وأعمل اللي أنا عاوزة كمان

الحاجات دي أنا عارفاها لإن احنا بنستخدمها في تيم مشروع التخرج لما نكون عاوزين نشتغل على أجهزة بعض فبنشير الأجهزة وحد يكمل شغل على جهازي وهو في بيته عادي جدًا وبيدخل على الفولدرات اللي على الجهاز وبيشوف كل حاجة لو انا مشيره الجهاز كله ، ولو انا مشيره شاشة بيتحكم في الشاشة

بغض النظر عن كل دا بس دا زي ما ليه إيجابيات ليه سلبيات كتييير وخوصًا بعد ما نزل في update الفيس
يعني ممكن في أي لحظة يجيلك نتوفيكيشن وانت تدخل بكل تلقائية فتلاقي نفسك مع ناس في الـ room شايفينك وسامعينك ويتاخد اسكرينات بقى ليك

وممكن بسهولة يجيلك نتوفيكيشن share ويتحكم في جهازك زي أبلكيشن room لإن هدف مارك إن يعمل ليك حاجة تقدر تعمل من عليها meeting زي room بالظبط فهيكون فيها كل إلامكانيات بتاعت room

انتي بس مجرد ما تضغطي على النتوفيكيشن هتلاقي نفسك روحتي في داهية ..
ممكن تبقي بالبيجامة وفجأة تلاقي نفسك صوت وصورة قدام ناس متعرفهاش

طب أعمل ايه !؟

– البتاع دا مش للتجربة نهائي إلا لو كان عندك وعي كافي إن مثلا تعملوا ميتنج عليه وفاهمة كويس فيه ، والأفضل بردو الميتنج يكون على أبلكيشن zoom لان على الأقل هتقدري توقفي الصورة زي ما بنعمل في الميتنج بتاعنا وبنتحكم في الصوت براحتنا
أنا معرفش دا نظامة ايه ، بس room أضمن شوية

– مش اي نتوفيكيشن يجيلك تجري تفتحيه ، اقرأي من بره الأول الكلام اللي مكتوب وشوفي
وبلاش حب استطلاع خاااالص بالله عليكم

الرابط المخصتر للمقال:

تابعنا على تويتر والفيسبوك واليوتيوب ليصلك كل ما هو جديد

صفحتنا على الفيسبوك |صفحتنا على تويتر
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية  وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكامله. 
زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock