الحب الممنوع



 

    كتب: مينا منير سامي

 

 

هحكيلكم حكاية شخص غريب حبتين وحكايته غريبه جدا ، شخص طيب وحنين وعنده قلب مش عند اى حد وده بشهاده من كل حد حواليه

شخص انطوائى من الدرجة الأولى

وبيحب الغموض

المزيكا بالنسبه له عشق

ومن غيرها بيحس أنه هيموت

أسعد مكتئب

وأكبر اجتماعى معزول

أذكى شخص يتغابا

وعلى نفسه وقلبه دايماً باب مقفول

-حصلتله حكايه زى حكايات ألف ليلة وليلة، حكاية من أولها لاخرها جميله ، بدأت ببوست لذيذ على الفيسبوك من شخص غريب بيحكى عن قصته وعن أنه بيدور على الحب الحقيقي ، فأنتابه الفضول أنه يحكى تجربته فكومنت ومن هنا كانت البداية ، بداية قصه حب بطلها كان روميو وهى بالنسبة له جوليت وبعدها سيطرت عليه عاطفته ، وهنا قابلته المشكله أنها كانت من ديانه مختلفه وقعد يفكرلها فى حل بيحاول أنه يفضل جنبها لانه حبها وهى حبته ووصل تفكيره وقالها

اه لو كان يجوز

كنت هجبلك إلى تتمنيه

بدل الحاجه اتنين

وكل إلى تفكرى فيه نجيب منه حاجتين

يانور بينور القلوب

ياجنه عشانها العاصى هيتوب

ياحياه ومابعدها حياه

حضنك رغم بعده بس أساسه دفا

وبعدك إلى حسسنى بجفا

هفضل أنا زى أول لحظه فيها حبيتك

أنا قلبى بيكى اكتفى

بحنيتك ودفابيتك

وتشاء الأقدار وتوقف الدنيا عند لحظه سفرها للسما ونهايه قصه الحب الجميل إلى كان مليان حلاوه وجمال ، انتهت قصه كانت غريبه من بدايتها ولكنها كانت مؤثره حبتين

واتبدلت الأيام واتقلبت الآيه وبدأت من الأول الحكايه

حكايه اكتئاب ونوم ..اصل النوم كان هو الوسيلة الوحيدة لهروبه من أوجاعه ..وكتب كتير عنه وكان دايماً بيقول إن النوم

افضل وسيلة للهروب

من روتين ممل

ووقت مابتبقى مخنوق

ومشاكلك كل حبه تزيد

ومالهاش اى حل

وكل إلى بيسمع حكاياتك

يقولك سهله وبسيطه مش قصه

متعملش كده فى حياتك

الدنيا موقفتش لسه

 

وابتدا صاحبنا الحكايه بعشق وحدته بكل مافيها.. ابتدا يفتكر ذكرياته بكل مافيها بحلاوتها ومقاسيها..ابتدا يعشق الضلمه وحيطان اوضته إلى هما ادفى بكتير من قلوب كل إلى حواليه

كان دايما يلجأ فى كتابه مذكراته للوحده ويكتب عنا ويتكلم

الوحده دى بيقولوا عنها كلام كتير بس كل إلى حسها محبهاش

إلا هو حبها وبقى مدمن كوبايه الشاى وسجارته واربع حيطان اوضته ، فى ليله كتب عن الوحده كلام كل إلى شافه عيط

الوحده قالوا عنها صعبه ومستحيله

وممله وفى المشاعر والأحاسيس بتقتل

محدش منهم قال عنها أنها جميله

ولا أنها لذيذه مثلا (تهبل)

 

حسوها شعور قاسى

ووجع وشريط ذكريات بيمر

وإن كنت ساعتها مش ناسى

ان طعم الأيام دى فعلا مر

 

الوحده أجازه للروح.. وراحه من هموم الحياه

الوحده أجازه للروح..وهى الوحيده إلى تعتبر فى الحاله دى طوق نجاة

 

الوحده حنين مكبوت جوه القلوب

وشويه ذكريات محطوطين فوق بعض

بس مش بالترتيب

فيها ايه لما تبعد يعنى وتغيب

وتهاجر بسفينه الحياه لبعيد

اصل كل الأشياء الموجودة والملموسة متعبه ولكن…!

هتبقى ساعتها إنسان جديد

 

إنسان لقى نفسه

وسط كون كله اكتئاب

فقرر أنه يكون لوحده

ويحافظ على إلى باقى من مشاعره ويقفل على قلبه مليون باب.

الرابط المخصتر للمقال:

تابعنا على تويتر والفيسبوك واليوتيوب ليصلك كل ما هو جديد

صفحتنا على الفيسبوك |صفحتنا على تويتر
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية  وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكامله. 
زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock