بدوب في هواكي



بدوب في هواكي 

كلمات الشاعر: (عماد عادل)

العشق طاير في الهوا وانا قلبي منك اتخطف
احساسنا مشاعرنا سوا مش ورد ميت اتقطف
من نار حبك قلبى اتكوى ده كان مجهول اتعرف
احساسك في قلبي روى كل اللي مات وانحرف
نظرات عيونك سحبوني في عالم كله خيال
مشيت وراهم جذبوني في مكان مجاش ع البال
مكان مليان بالشوق وحب وإحساس وجمال
مكان القلب لو سابه يحس بهموم واحمال
قلت يا قلبي مالك وايه حصلك وجرالك
اوعاك تكون وقعت على فين سرحت بخيالك
قاللي انت جيتلي هنا والحب هو اللي شالك
مشيت في بحر الهوا واتغيرت احوالك
رحت ماسك ايديكي ونسيت عمري اللي فات
من يوم ما ظهرتي في حياتي ظهرت العلامات
علامات حب وشوق وزيادة في النبضات
وتهنا سرحنا بخيالنا بنكون في ذكريات
معاكي بنسى روحي يا أجمل البنات
بنسى كل همومي واعيش احلى اللحظات
خليكي دايما معايا انتي بقيتي ملاكي
لا يوم هبص لغيرك ولا أحب حد إلاكي
أنا حبي ليكي انتي وحدك وليس سواكي
أنا قلت إني بحبك وكمان بدوب في هواكي
أنا قلت إني بحبك 

الرابط المخصتر للمقال:

تابعنا على تويتر والفيسبوك واليوتيوب ليصلك كل ما هو جديد

صفحتنا على الفيسبوك |صفحتنا على تويتر
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية  وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكامله. 
زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock