هذه أول قصيدة وطنية للشاعر محمد فتحى خاص و حصرى لموقع الخبر الأول



( من زمان)

 

من زمان و من زمان

كلنا عايشين فى امان

لا بنفرق فى لون ولا دين

ولا بنفرق بين انسان

من زمان و من زمان

الدين لله الوطن للجميع

و ان مفهمناش كلنا هنضيع

ولا هيبقى بننا امان

متقولش ارهاب جاى يدمر

يالاه نتجمع و يالاه نعمر

ساعتها هنخيب ظن كل جبان

 

سيب الملك للمالك

سيب الخلق للخالق

سيب الحساب لله

خلى الدين و الملة

لمالك النور والضلة

متحاسبش غيرك لا

 

اوعى تسمع وتتحرض

و تخلى ناس تتشرد

و هما مالهومش ذنب

قبل ما تفكر تجازيهم

فكر ليه بتأذيهم

و احكم بعقل وقلب

 

مفيش دين بيوافق

انك تقتل وتنافق

و تظلم روح بريئة

ربك مأمرش بكده

امر بمحبة ورضا

صدقنى كلامى حقيقة

 

من زمان و من زمان

كلنا عايشين فى امان

لا بنفرق فى لون ولا دين

ولا بنفرق بين انسان

من زمان و من زمان

الدنيا رصانا على بعض

و ربنا وصانا و قال وعد

اننا نحترم كل الاديان

 

الكنيسة دى حبيبتنا

الجامع هو بيتنا

الاتنين بيوت ربنا

هنمشى وراه الفتنة

ونضيع ليه محبتنا

و نخسر ليه حبنا

 

لازم نتفق على

اننا نعدل المسألة

و منفرقش بين اشخاص

و منحكمش حد فينا

و محدش يلعب بينا

اصلنا مش رخاص

 

سيدنا محمد و المسيح

نزلوا بعهد صريح

امرهم بيه المولى

لكل واحد اية

مكتوب فيها الهداية

و كله بدينه اولى

 

من زمان من زمان

كلنا عايشين فى امان

لابنفرق فى لون ولا دين

ولا بنفرق بين انسان

من زمان من زمان

 

كلمات : محمد فتحى

الرابط المخصتر للمقال:

تابعنا على تويتر والفيسبوك واليوتيوب ليصلك كل ما هو جديد

صفحتنا على الفيسبوك |صفحتنا على تويتر
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية  وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكامله. 
زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock