ياطبيب



يا طبيب
يا طبيب حتي علاجك ما نافع ولا دواني
القلب علي طول تعبان من يوم ما الحب كواني
فيه العذاب سنين قال والفرحه ثواني
حلفتك اكتبلي علاج غير الاولاني

كام مره اجيلك والقلب عليل
مش باين عليا من بره بس جوايا الف دليل
ووجع القلب مش ظاهر لا برسم ولا تحليل
زي ما يكون دوايا صعب ومستحيل
و الصيدلي ملاقي عنده حتي البديل

انا اللي كنت اول الموجوعين واخرهم بقيت
انا اللي اول ما فتحت عيني علي الهوي بكيت
سمعت كلام بقيت طاير كالنسر وساكن اعلي بيت
وصحيت علي كسرت جناحي وعلي الأرض دبيت
اكتبلي دواء تاني بس متبينش ان انا حبيت

  1. انا اللي ياما سهرت اداوي
    سهرت وكنت غاوي
    كنت بحكي قصص وحكاوي
    كنت بكتب لهفتي في غناوي
    كنت اخلي القمر يسهر لو مكانش ناوي
    كنت داير من فرحتي زي الحاوي
    ومن كتر اللي شوفته في قلبي اتعميت
    وبدور علي دواء وياريتني كمان لقيت
    الشاعر ..مارك ..mark

الرابط المخصتر للمقال:

تابعنا على تويتر والفيسبوك واليوتيوب ليصلك كل ما هو جديد

صفحتنا على الفيسبوك |صفحتنا على تويتر
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية  وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكامله. 
زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock