تعبنه وملينه
تعبنا يارب وملينه قول كفايه
مش قادرين خلاص اتزلينه
ولا عارفين امتي آخر الحكايه
لا طب ولا علم عجزنا واتشلينه
تعبنه يارب وملينه
تعبنه يارب وملينه فين ايدك مدها
وابعت لينا يا رحيم من عندك رحمه
دي كورونا طلع محدش قدها
ناس كتير غلابه ماتت في الزحمه
ما فينا حيل خلاص اتهدينه
تعبنه يارب وملينه
انت يارب اللي وحدك قادر
دا احنا عبيد ما بيدنا حيله
استرها من عندك انت يا ساتر
تقلت والله علينا الشيله
تعبنه يارب وملينه
هونها يا عالي علي سكان الارض
يا رافع السماء من غير عمدان
كله في ايدك طول أو عرض
دا اقوي ما فينا صبح همدان
ومن حبستنا والله اتعلينه
تعبنه يارب وملينه
العالم كله خايف. قلقان .مرعوب .
كله احتار واتشل كبير وصغير
انت يارب عارف المكتوب
دا بقرصه بسيطه العالم اتغير
دنيا فانيه وفيها اتغشينه
تعبنه يارب وملينه
ارفع يارب عن شعبك وعن العالم
اغمرنا برحمتك احفظنا جميعا
من هذا الوباء اللعين
الشاعر.. مارك …mark
تابعنا على تويتر والفيسبوك واليوتيوب ليصلك كل ما هو جديد
