ماذا تفعل عند اصابة الطفل بهذة الاعراض



ماذا تفعل عند اصابة الطفل بهذة الاعراض

 

بقلم / الدكتور احمد علاء

 

١- #حالات_الإسهال

● زياده أوي الفتره دي وبالأخص الروتا (فيروسي)

■ أهم حاجه محلول الجفاف والتعويض بالسوايل لان الاسهال بياخد وقت

■أدوية الإسهال زي لاكتيل فورت اكياس بتساعد علي التحسن

 

■لو حصل تسلخات مع الإسهال فدا نتيجة نقص الزنك ،، فبنعوضه بشراب سلفوزنك لمدة ١٠ ايام وبندهن كريم يحتوي علي زنك مكان التسلخات زي زنك اوليف ونقلل استخدام المياه مع التسلخات.. يدوب بعد الحمام مع التهوية

 

■لو حصل ترجيع ،، نهدي كده ع المعده gut rest حوالي ٤ساعات ولما نأكل يكون مسلوق بس ولو استمر ١سم زوفران او زوفاترون او دانست لكل ١٠ كجم من وزن الطفل

 

■ لو استمر الترجيع والاسهال زيادة والطفل رافض محلول الجفاف يبقي لازم نعلق محاليل في المستشفي

 

■لكن لو الطفل أكتيف حتي لو بيسهل سيبيه ف حاله الله يكرمك

 

٢- #الالتهاب_الشُعيبي

 

● بالأخص في السن الصغير ..

بيجي الطفل بكحة غليظه مع بداية نهجة خفيف وتزييق ع الصدر

 

●اهم حاجه السوايل اللي بتساعد علي إذابة المخاط good hydration

 

●رضاعة كل ساعتين وبلاش تتينه الله يخليكم لانها بترهق الطفل أكتر

 

● جلسات النبيولايزر بموسعات الشعب هي الحل الأمثل في الحالات دي …..طبعا بعد الكشف

 

●بلاش أدوية كحة….

لان الكحة في الوقت دا هي اللي بتساعد في خروج البلغم من صدره

 

● لو رجع بعد الكحه دا شيء طبيعي مش محتاج مضادات للقئ ،، والكحه أخر حاجه بتنتهي في الدور دا

 

● متابعة الطفل من خلال الدكتور شيء ضروري لضمان التحسن فمفيش حد يكسل

 

٣- #الإلتهاب_الرئوي

 

☆ أكتر من حالة بتتعالج في البيت لكن في حالات مش بتتحسن ع العلاج ف البيت وبتحتاج لحجز في المستشفي

 

☆ بيجي الطفل بحراره اوفر فوق ٣٩ درجة مع نهجان وكحة غليظة ..

 

☆بالسماعه أو أشعة عادية علي الصدر بنكتشف وجود التهاب رئوي..

 

☆ طبعاً علاجه موسع شعب مع مضادات للالتهاب ولو السبب بكتريا بندى مضاد حيوي وممكن نوعين مع بعض في بعض الحالات مع جلسات النبيولايزر

 

☆ الطفل بيجي ببرد بسيط فيروسي ينزل علي الشعب الهوائية يقفلها (إلتهاب شعبي) ….وبعد كدا يتحول للالتهاب رئوي..التدرج دا بنشوفه يومياًوالله

 

٤- #حساسية_الأنف””دا موسمها”

 

▪تقلبات الجو والتراب المعشش ف كل حاجه بقا حاجه لا تطاق

 

▪اي طفل في اي سن بيعاني من رشح مستمر او عطس أوفر او حكة بالأنف اكتر من أسبوع

فدا حساسية وش..

 

▪مضادات الهيستامين زي

زيرتك وتيلفاست وايفاستين هي العلاج الأمثل

 

▪ بخاخة الأنف زي نازونكس وأڤاميس من سن سنه .

《أمان جداً والله والواد مش هياخد عليها 》

 

▪لازم تعرفوا ان علاج الحساسيه زي نظارة النظر كدا ..

اللي بيعاني منها ميقدرش يستغني عنها ومن غيرها ..

 

▪ افرازات خلفيه من الانف تنزل ع صدره تقفله وهكذا..

 

《يعني العلاج بياخد وقت وبيطول حتي بعد التحسن كنوع من الوقايه من شهر ل ٣شهور…لكن موضوع اننا نوقف البخاخه بعد التحسن دا ممنوع》

 

▪ولازم نعرف ان الحساسيه رد فعل ..

بمعني لازم نمنع اي trigger factor عامل محفز

زي ..

•• كل ما يُستنشق من برفيوم -بخور-أتربة-دخان -سجاير

 

▪وفي الفترات الوقائية بنمشي الطفل علي مونتليكاست زي سينجيولاير او ليليبل لمدة ٣ شهور

 

#الخلاصه …

بخاختك في مناخيرك وزيرتكك في بقك وسينجيولايرك ع ملعقة زبادي وشكرا

 

٥- #الالتهاب_الكبدي_أ..A..

 

◇ منتشر حالياً،، بيجي الطفل في الأول بأعراض جهاز هضمي (مغص او ترجيع او اسهال او التلاته مجتمعين ) وحراره

 

◇ مش بنشك فيه غير بتغير لون العين للإصفرار وتحول لون البول لغامق زي الشاي كدا

◇بنعمل تحليل HAV igM

طلع ايجابي يبقي التهاب كبدي أ على طوووول

◇علاجه الراحه مع السوايل والسكريات وممكن ندي منشط للكبد مع فيتامين ب مركب (مدارس)

وبياخد من ١٠-١٥ يوم

 

◇التحسن بيبدا بتحسن الشهيه للطفل ولون البول يرجع للطبيعي ولون العين كذلك

#هل_هوا_معدى_..؟؟

“”آه معدي طبعا “”

▪ بنبعد الطفل عن الحضانه او المدرسه تماما

▪ في البيت بنخصص للطفل أدواته من طبق وملعقه وفوطه وبنقص ظوافره

▪بنحافظ ديما مكان الحمام بالديتول لانه مكان العدوي الاساسي

 

▪بيجي مره في العمر او بناخد تطعيم ليه وخلاص علي جرعتين من بعد سن سنه،،#طعموا_ولادكم_وريحوا_بالكم

 

٦-#الجديري_المائي

■ طبعا لا يخفي عليكم

بياخد كل اشكال الحبوب اللي في الدنيا

بيبدأ بحبوب حمرا وبعد كدا تملي مياه وبعد كده تتحول لقشرة سودا

 

■بيظهر في الظهر والبطن وبعد كدا ينتشر للأطراف.

 

■اهم حاجه الطفل ما يهرش .

 

•بنقصص ظوافره

•ندهن على جسمه لوسيون

• مضاد للحساسيه بالفم

•زوفيراكس بيعجل في الشفاء لو اتاخد من اول يوم لكن الدور دا بياخد دورته يعني هياخدها

 

■ موضوع اننا مش ندي للطفل شور دا نفسي اعرف مين اللي قاله وانتشر عبر الاجيال

《بندي شور عادي بس نخلي المياه تنزل انسيابيه ع جسمه بدون دعك العدوي بتنتشر من المياه اللي جوا الحبوب لو فرقعت علشان كدا بنفضل إن نغير هدومه يوميا》

 

#هل_هوا_معدى…

《ايوا معدي جدا ..》

 

■ العزل مطلوب حتي ظهور القشرة السودا..وبيجي مره في العمر

 

■ليه تطعيم بيحمي بنسبة ٨٥ ٪‏ ،، ولو ابنك اخد التطعيم وجاله بيجي خفيف جدا…

#شيرر_وانفع_غيرك

الرابط المخصتر للمقال:

تابعنا على تويتر والفيسبوك واليوتيوب ليصلك كل ما هو جديد

صفحتنا على الفيسبوك |صفحتنا على تويتر
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية  وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكامله. 
زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock