الحل ايه!!؟



الحل ايه !

مشاكل اجتماعيه مطروحه للنقاش

السلام عليكم أنا مطلق من خمس شهور هحكي ليكم سبب الطلاق واتمني انكم تحلولي مشكلتي ف البداية انا اتجوزت 5 سنين وربنا رزقني من زوجتي ببنتي عندها 3 سنين انا شغال ف محافظه تانيه وبحكم شغلي بنزل اسبوع بس من كل شهر وف مره نزلت اجازه و كنت محتاج لراحه لان ف شغلي بيعتبر مافيش نوم وإرهاق وقلق طول الوقت وتعب فوق ما تتخيلو المهم لما وصلت وكده غيرت لبسي وقولتلها اني عايز انام ومش عايز اي دوشه ودخلت اوضة النوم وقفلت علي نفسي الباب هي كانت بتطبخ وبتغسل غسيل ف هي دخلت اوضة النوم تاخد لبس عايز يتغسل خرجت ومعرفتش تقفل الباب وراها علشان الهدوم كانت كتير لكن رجعت وقفلته المشكله بقي أن بنتي لما الباب اتفتح وامها خرجت هي دخلت جوه ومراتي لما جات تقفل الباب مخدتش بالها منها المهم بنتي طلعت السرير وفضلت تصحي فيا ف انا قومت من النوم متعصب ومتنرفز ع الآخر وخرجت اتخانقت مع مراتي علي كده وهي فضلت تحلف انها ماشفيتها وبعدين تقولي معلش انا اسفه والله ما شوفتها انا مصدقتش كلامها ده وكنت علي أخري ف ضربتها بالقلم بس القلم كان جامد اوي عليها وقعت ع الأرض وفقدت الوعي ف انا فوقتها وفضلت اعتذر ليها وهي مش بترد ولمت هدومها ومشيت علي بيت اهلها وصممت علي الطلاق وأخوها اتخانق معايا خناقه كبيره المهم قولت اني اسافر ولما ارجع هتكون هديت شويه مشيت وبعد اسبوعين لقيت اعلان قضية طلاق علي مكتبي واحرجتني جدا قدام الضباط زمايلي بسبب اعلان القضيه المهم حصل الطلاق لان هي كانت ناويه تعمل فيا شكاوي ف الجيش لان اخوها محامي وفاهم ف الحاجات دي كويس ف انا طلقتها علشان الفضايح واديتها كامل حقوقها والنفقه بتوصلها كل شهر ف معادها انا بروح اشوف بنتي كل اجازه وبجيب ليها لعب وهدايا لطليقتي بس للاسف طليقتي يابترمي الهدايا ف وشي أو بترميها ف الزباله قدام عيني انا عايز ارجعها لاني اقسم بالله بحبها ومافيش حد ف قلبي غيرها وعمري ف حياتي ما حبيت حد بالشكل ده بقيت مكتئب انهم مش معايا ف البيت بشوف صور بنتي وامها والله والله ببكي عليهم بمجرد ما بشوفهم انا دخلت ناس كتير تصلح ولكن هي رافضه مقابلة حد واخوها مقويها علي كده واخر مره اتكلمت معاها ف قولتلها انتي اوفر اوي ف زعلك ضحكت وقالتلي اسمع انا مش زي الستات اللي معندهمش ذرة كرامه اللي بيضربو من اجوازهم ويكملو حياتهم بحجة عندهم عيال أو خايفين من الطلاق انا عندي كرامه ولا يمكن ارجعلك مهما عملت

الرابط المخصتر للمقال:

تابعنا على تويتر والفيسبوك واليوتيوب ليصلك كل ما هو جديد

صفحتنا على الفيسبوك |صفحتنا على تويتر
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية  وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكامله. 
زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock