محمد فتحى يكتب : التامول دمر العقول …
( التامول دمر العقول )
أبدأ أزاي و أحكي القول
ده كلام كبير كتير خطير
الحرب فينا ضرب عقول
بحباية تخلي العقل يطير
حباية بتضحك علينا
علي أنها أجمل خيال
دي عمالة تقتل فينا
بتدمر مستقبل أجيال
جيل و أنضحك عليه
عايش تملي بأوهامه
حباية بتتحكم فيه
بتقضي علي أحلامه
تامول ترامادول و بودرة
ضياع صحة و ضياع فلوس
لو فعلا راجل عندك قدرة
دوس عليهم بقوتك دوس
دي مخدرات بتسرق العمر
مش حاجة حلوة ولا شطارة
دي بتشد فيك كمان و تجر
و أنت مطاوعها يا خسارة
ده ألعن و أضل طريق
أبعد عنه يا ولدي و عيش
ده بحره دايما غريق
لا يعرف رحمة ولا ينجيش
يالي عايم في الأدمان
ألحق نفسك أحسن ليك
قبل مايفوت بيك الأوان
يبقي 1000 خسارة عليك
التامول دمر العقول
أصحي يا شعب الكيف
لحد كده مش معقول
الأدمان مرعب مخيف
كلمات : محمد فتحي
تابعنا على تويتر والفيسبوك واليوتيوب ليصلك كل ما هو جديد
