في البيت خليك صدقني دا هيكون احسن ليا وليك



باكتب من المعاناه حكايات

ناس بتحارب لاجل حمايتك

مش خايفين من الموت و لا يهابوه

مش بيلوموا اي ظروف

قلوبهم مات جواها الخوف

بيحاربو لاجلي و لاجلك

بيمر عليهم اليوم شهووور

سايبين بيتهم و عيلتهم

و بيحاربوا لاجلنا

بيضحوا بحياتهم بيضحوا بنفسهم بيضحوا بعمرهم الموت قصاد عيونهم

مش كل يوم و لا كل ساعه دا كل لحظه كل ثانيه معرضين حايتهم للموت

و عمرهم مترددوا

صامدين

لكل مرض و صعب صادمين

مكملين و لو لسنين

كفاحهم

هما دورهم يحموك و لو تعبت يعالجوك

و انت دورك مساعدتهم

بينادوا عليك باعلي صوت

تفضل في مكانك في بيتك

لاجل ما تحمي نفسك و تحمي غيرك

في البيت خليك

صدقني دا هيكون احسن ليا و ليك

خليك في البيت دا شعار

مهواش مجرد قرار خدناه فهنفذه

هو مش امر و لا هو الزام

هو بس المطلوب منك مجرد شويه اهتمام

و عدم استهتار

يا جماعه الموضوع جد صدقوني مش هزار

سرير بيتك هيكون احسن من سرير المستشفى

بعدك عن الناس هيكون احسن من لما الناس هي اللي تبعد عنك

خاف علي نفسك

يضيق رزقك احسن من ما يضيق نفسك

خليك قد المسؤولية

ارواح اللي حواليك بين كفوف ايدك

ارجوك خليك في بيتك

احمي نفسك و احميهم

كورونا ازمه و هتعدي

و صدقني هتبقي مجرد ذكري

و تبقى كورونا ماضي و كان

ازرع حواليك كل امان

لاجل كل الببان تتفتح

تدق اجراس الكنايس و يرفع في الجوامع ادان

يتفك حظر كل الشوارع و تبقي كورونا ماضي و كان

و ترجع الحياه زي الاول و احسن

خليك في بيتك دا هيكونلك احسن

الشاعره :جونير ملاك

الرابط المخصتر للمقال:

تابعنا على تويتر والفيسبوك واليوتيوب ليصلك كل ما هو جديد

صفحتنا على الفيسبوك |صفحتنا على تويتر
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية  وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكامله. 
زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock