طريقة عمل المكرونة بالتونة



المقادير:-

– كيس معكرونة(ترجمة أنيس عبيد) ٤٠٠ جرام يفضل روجينااي شكل أو مقاس تفضلة في أشكال المكرونة.
– علبة تونه قطعة واحدة أو قطع (المفتفته دي بلاش اقولك بتتجمع ازاي).
– فلفل ألوان ربع ثمرة من كل لون.
– زيت (انا بعملها بزبدة بلدي مقدوحه وشغاله فل).
– ٣ فصوص ثوم بالعدد
– ثمرة طماطم واحده مقطعة كريهات.
– ربع بصلة متوسطة الحجم مقطعة شرائح(ممكن تستغنوا عنها بس البصل راكب معايا ديما في اي أكل ) يتم نقعها بعد التقطيع مع بعض التوابل مثل ملح كمون فلفل والثوم ونصف ليمونه وقليل من صوص الباربكيو.
– عدد ٢ ليمونة.
– خل (أرشح خل آجا أو هاينز).
– توابل وبهارات( كل ما تشتهي الانفس) ملح- فلفل أسود- شطة – كمون- نعناع ناشف- ورق لورا- باربيكا – (يقترح ربع ورقه حبء- نعناع سعودي-.

طريقة التحضير:-
– تسلق المكرونة عادي جدا ( حله – ميه – ع النار – تغلي -نص معلقه زيت + بعطوشه ملح( ده مقدار كدا اقل من الجرام اللي عارف المصطلح عارف مقداره) حط المكرونه- وقلب ثم اخفض النار ١٠ دقائق حتي النضج ثم تصفي(انا بحب اشطف المكرونة علشان اقلل النشا).

– صوص بالتونة:-
اناء علي نار هادئة الزيت يسخن حتي الدخنه يتم اسقاط البصل المنقوع بالثوم اعلاه👆 يقلب حتي يستقر صوت البصل(صوت الطاسه أو الحله نغمة واحده) يضاف الفلفل الالوان مباشرة مع التقليب اضافه كل نوع من التوابل والبهار منفردا والتقليب الجيد بين كل نوع توابل والاخر ثم يضاف بعض من صوص الباربكيو وطماطمايه كريهات(مكعبات صغيرة قد بعض) ونص كوب ماء مع التقليب المستمر

(افتح التونة اسكب الزيت ضع قليل من الخل غطي رج ادلق تاني اعصر نص الليمونة اللي معاك ده )
ارجع بقا للبوتجاز ضيف التونة للصوص اللي ع النار قلب دوق عايز ملح زود بعطوشه
(شاطر اديك اتعلمت البعطوشة هي المقدار الناقص من توابل معين للحصول علي المذاق الرائع).
قلب كويس هات المكرونة ادلق قلب كويس( كل ده ع نار هادية اقل درجه مفهوم)
الف هنا.

نصائح الرجيم:
– نظام الكيتو: زود زبدة وخلي التونه ٢
– نظام ال PPD إلغي التونة زود خضار وخليه سوتيه اكتر ومن غير اي زيوت وطبعا الثماء ضرورة ملحه في حال إلغاء الملح.

الرابط المخصتر للمقال:

تابعنا على تويتر والفيسبوك واليوتيوب ليصلك كل ما هو جديد

صفحتنا على الفيسبوك |صفحتنا على تويتر
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية  وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكامله. 
زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock