انا صاحبتي بنت صغيره فالعشرينات..تفاصيل المشكلة



انا صاحبتي بنت صغيره فالعشرينات .. كانت شغاله ف مكان سنين وليها زمايل شباب ومنهم واحد كان معجب بيها

هو مقلهاش من ساعه مااعجب وعدت السنين وهي اتخطبت وهو اتجوز .

ولما فسخت خطوبتها وبعد ماهو خلف بنتين قالها أنه معجب ومن زمان وأنه بيحبها جدا وكان بيحلم باليوم اللي تبقي فيه معاه وأنه هيتجوزها بس لا هيطلق مراته ولا هيرمي بناته ومحددش مده واتفقوا أنه يجهز نفسه من كل حاجه ومش يقول لاي حد من عائلته الا لما يبقي كتب كتابه ع البنت دي
وارتبطوا فعلا …

حصل فيهم مشاكل كتير  منهم مشكله أن مراته عرفت وسبتله البيت وشتمتها فالتليفون وهو مرضيش يرجع مراته البيت لحد ما رجعت لوحدها لانه فهمها أن مفيش حاجه بينهم والسبب اللي قاله أنه لازم يهدي الدنيا ويبعد الكلام الوحش عن البنت دي ويقول مفيش حاجه لحد مايبقي جاهز للجوازة التانيه

ومشاكل اكتر بين البنت والشخص ده لأنها مبقتش مستحمله اي حاجه ولا اهتمام لمراته أو اهتمام ل عياله

رغم أنه بيهتم بيها جدا وغالبا مبقاش بيجيب سيره بيته قدامها عشان متزعلش

وانا نصحتها كتير تسيبه عشان مش هتقدر تستحمل الوضع ده وهو لو عايزها كان اتجوزها من اول ما قالها .. هو مش صغير ومستني يجهز نفسه وبقالهم شهور والوضع متغيرش

وهي كبنت من حقها تعيش مع شخص يحبها لوحدها ومهتم بيها لوحدها وخصوصا انها بنت جميله جدااااا ومتستاهلش كده وقلبها جميل جدا ومن اي حاجه بتتراضي

وهي بتدور ع الحنان والامان والمشاعر النضيفه وبس
لا عايزة عربيات ولا فلوس ولا اي حاجه
وهي فعلا وصلها احساس بالحب والأمان اللي هي محتجاهو وعملها كل اللي نفسها فيه .

بس المشاكل بينهم كترت اووووووي بسبب احساسها ان الوضع بقي استحاله
انصحوني أنصحها ازاي

الرابط المخصتر للمقال:

تابعنا على تويتر والفيسبوك واليوتيوب ليصلك كل ما هو جديد

صفحتنا على الفيسبوك |صفحتنا على تويتر
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية  وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكامله. 
زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock