الفلاح الفصيح



( الفلاح الفصيح )

عارف الفلاح الفصيح
الراجل الزين المليح
مجدع ملو هدومه
رغم كل همومه
جبل ما يهزه ريح

أبو ملفحة و عمة
دايما صاحب ذمة
عايشين على خيره
تملى بيراعى ضميره
صاحب كفاح و همة

حياته كلها الغيط
حريص عليه و حويط
قالها بعلو الصوت
غيطه الحياة و الموت
كأنه آخرة و بيت

حالف بربه و دينه
عمره ما يسيب طينه
اللى اتربى فيه
اللى كبر عليه
أصله عزيز عينه

عارف أبو ملفحة
و الشمس ماشية مروحة
بيعمل دور شاى
مالوش ابدا زيى
بيعدل الراس المطوحة

الفلاح أبو فاس
يتشال على الراس
تاريخ كله كفاح
مشوار طويل و نجاح
التحدى عنده أساس

عمى أبو جلابية
راجل 100 مية
ينكتب عنه حكايات
قصص كتير روايات
تتعلمها الأجيال الجاية

راجل عال العال
مالوش أبدا مثال
ربنا يديه صحته
يديم عليه ضحكته
ربنا يعدله الأحوال

كلمات : محمد فتحى

الرابط المخصتر للمقال:

تابعنا على تويتر والفيسبوك واليوتيوب ليصلك كل ما هو جديد

صفحتنا على الفيسبوك |صفحتنا على تويتر
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية  وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكامله. 
زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock