الست المصرية



( الست المصرية )

عارف مين دية
دى الست المصرية
اللى متغلبهاش قيود
او حتى حواجز و سدود
أقسم بربنا المعبود
متعرفش غير الحرية

دايما ليها دور
بتزرع الأرض البور
بتخلى العتمة نور
زى نهار الصبحية

راجل وقت الحروب
متعرفش معنى الهروب
عدوها تملى مغلوب
أصلها واقفة عفية

وقت الحروب و النار
متعرفش معنى الانكسار
بتقدر تاخد تار
أصلها دايما قوية

هي بجد لطيفة
لكن مش ضعيفة
اوقات بتكون مخيفة
ساعت الجد الحقيقية

ياما ربت أجيال
خليتهم عال العال
ينضرب بيها المثال
حاجة بجد بهية

حاجة بجد عظيمة
كفاح و تحدى و عزيمة
شرف و قوة و قيمة
اقدملك أجمل تحية

ربنا يخليكى لينا
يا أم مروة و مارينا
يالى بجد علمتينا
معنى كلمة الوطنية

كلمات : محمد فتحى

الرابط المخصتر للمقال:

تابعنا على تويتر والفيسبوك واليوتيوب ليصلك كل ما هو جديد

صفحتنا على الفيسبوك |صفحتنا على تويتر
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية  وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكامله. 
زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock