مسرحية الفتنة



( مسرحية الفتنة )

أمتى نوقف المسرحية من اول العرض
ليه بأيدينا نفرج علينا طوب الارض
المسرحية بطلها اسمه الانسان
هدفها وطن بلا عنوان
و احنا كلنا الضحية
البداية فيها طبعا خراب
النهاية طبعا فيها تراب
المسرحية المسرحية
فيها دم فيها موت
فيها اه فيها سكوت
كل حاجة فيها رعب
الكل معاه سلاح
محدش يعرف السماح
المشهد فيها صعب
الطرف الاول والتانى
هو المظلوم والجانى
يعنى كل الشعب

المسرحية بطلها اسمه الانسان
هدفها وطن بلا عنوان
و احنا كلنا الضحية
البداية فيها طبعا خراب
النهايه طبعا فيها تراب
المسرحية المسرحية
الكل فيها بيشارك
الكل فيها بيعارك
كل ده ليه
ليه محبتنا تاهت فى الزحمة
ليه ضاعت منا الرحمة
بعدين اخرتها ايه
كلنا بنخسر بعضينا
الشر زرع اراضينا
والشوك كلنا بنجنيه

المسرحية بطلها اسمه الانسان
هدفها وطن بلا عنوان
و احنا كلنا الضحية
البداية فيها طبعا خراب
النهايه فيها طبعا تراب
المسرحية المسرحية
محدش فيها كسب
الكل اتفتن وكذب
والذنب للأنسان يتحسب
اخر مسرحية الفتنة
ضاعت منا محبتنا
و أدينا بنقول ياريتنا
أمتى نوقف المسرحية من اول العرض
ليه بأيدينا نفرج علينا طوب الارض

كلمات :محمد فتحى

الرابط المخصتر للمقال:

تابعنا على تويتر والفيسبوك واليوتيوب ليصلك كل ما هو جديد

صفحتنا على الفيسبوك |صفحتنا على تويتر
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية  وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكامله. 
زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock